Samurtasunaren zoriontasunak
Zorionekoak hurbiltasun, samurtasun eta maitasunezko keinu txikien bidez kontsolamendua etengabe ereiteko beharra sentitzen dutenak.
Zorionekoak atsekabea, miseria, gosea eta gerra erakusten dituzten irudien aurrean hunkitzen direnak, eta kontsumoaren, urruntasunaren eta berekoikeriaren lokarriek erraiak itxi ez diezazkieten ahalegintzen direnak.
Zorionekoak justizia eta solidaritatea sentsibilitatearekin, fintasunarekin, gizatasunarekin eta umore onarekin batera hazten direla begiztatu dutenak.
Zorionekoak, gizagabeko tratu gogorraren aurrez aurre, adeitasuna eskaintzen dutenak giza harremanetatik etsaigoa urruntzeko erremediorik onena bezala.
Zorionekoak laneko giroa, konpromisoaren muga, bizilagunarekiko elkarrizketa eta lagun onenaren depresioa arretatsu eta maitekor ongarritzen dituztenak.
Zorionekoak aurpegi baten edertasunak, mutil gazte baten adeitasunak, andre zahar baten aholkuak, hainbeste urruntzen gaituen ahanzturaren hotzagatik dardaraz datorrena berotzen duen besarkadak ilusioa berritzen dietenak.
Zorionekoak samurtasuna partekatzen eta gure munduko mugarik urrunenetaraino eskuzabaltasunez eskaintzen dutenak, baina euren bihotza ere samurtasun berarekin ureztatzeaz ahazten ez direnak.
Zorionekoak Samurtasunaren sendotasunean bizi dela sentitzen duenaren afektibitatea, ulermena, laztana eta zaurgarritasuna gidari hartzen dituztenak.
(Miguel Ángel Mesa, “Otro mundo es posible” bloga)