Iratzargailu leial eta kantatzen ez duguna adierazten diguten hainbat solasaldiren oihartzun: amodio isilduak, proposamen liluragarriak, adiskidetze lotsagarriak, maitasun gartsua, isilagoko borrokak etsitzeko zorian. (Toño Martínez. Gaur goizean balkoian txori bat entzunda)
Ez dakit Arantzazuko basilika baino eraikin aproposagorik izan ote daitekeen ‘Horrela Bizitzeko’ kontzertua eskaintzeko eta gozatzeko. Baina ausardia behar zen, Eliz belarri arruntei gogorregi gertatzen baitzaizkie oraindik horrelakoak. Ausardia behar zen, eta izan dute fraideek, Asier LI beasaindar musikalariaren obrari, Oteizaren hamalau apostolu ausarten babespean, Txillidaren ateak zabal-zabalik irekitzeko. Bejondeiela Arantzazuko frantziskotarrei! Gizaki zaurituari buruzko […]
Aurrera, zaratak eta aztoramenak inguratzen gaituenean egin dezagun lasai aurrera, isiltasunean aurkitzen baita bakea. Bizi, bizi gaitezen guztiekin modu onean, posible bada, baina gure burua saldu gabe. Esan, esan dezagun xalotasunez eta argi geure egia, inori inposatu gabe. Entzun, entzun diezaiegun guztiei arretaz, baita ezjakinari ere, nork bere historia baitauka. Saihets, saihets ditzagun pertsona zaratatsu […]
Pau, paz, peace, paix, pace. Frieden. Salam, shalom. Shanti. Heping, heiwa. Mire, mir. BAKEA. Zeinen eder eta anitza den bakearen izendegia! Eta izena esanda badakigu izana zer duen. Baina zerbait esaten hasi orduko –funtsezko gauza guztiekin gertatzen zaigu–, dakiguna galdera eta galdegai bilakatzen zaigu, bakea bera galtzeraino. “Zer da denbora? Inork galdetzen ez badit, badakit. […]
Ez etsi. Gauak amaierarik ez duela iruditzen bazaizu ere, besarkadarik gabeko garai honek gainezka egiten badizu ere, arnasa erraietan izozten bazaizu ere, udaberria loratzen ikusten ez baduzu ere. Halere, iluntasun sakonenaren ondoren beti urratzen baita egunsenti berria, betikotasuna garden ageri baita une bakar honetan, begirada sutsuak urtzen baitu arimaren izotza, almendrondoek isuriko baitute bere garaian […]
Les Halles de Beaubourg-en, Pariseko Hornidura-Azoka izandakoan –XX. mendeko 70eko hamarkadan erabat eraldatua eta Paris garaikidearen bihotz komertzial, kultural eta artistiko bihurtua–, bada altxor berezi bat: Saint Merry, XVI. mendeko eliza gotiko ederra, estilo flamigerokoa, “Notre-Dame txikia” deitua izan dena. Arkitekturaren, eskulturaren, pinturaren eta beirateen museo bikaina, turistek nahitaez bisitatu beharreko monumentua. Eta kultu katolikoko […]
Bertsoak egiten ditut, jaunak, bertsoak egiten ditut, baina ez zait gustatzen poetisa deitzea, ardoa gustatzen zait igeltseroei bezala eta bakarrik hitz egiten duen laguntzailea dut. Mundu hau dibertigarria da, hainbat pasadizo badira, jaunak, kontatzen ez ditudanak, hainbat gertakari, baina eskuartea ez duten behartsuei etxea eskuratzea ez da inoiz gertatzen. Badira oraindik neskazaharrak txakurrarekin, badira gizon […]
Zure haurra balitz, itsasoa ontziz beteko zenuke edozein banderaz. Denek milioika bat eginik zubia osatzea nahiko zenuke, hura pasarazteko. Arreta osoz, ez zenuke inoiz bakarrik utziko. Itzala egingo zenuke, begiak erre ez dakizkion, estali egingo zenuke busti ez dadin, ur gaziak zipriztindu ere egin ez dezan. Zure haurra balitz, itsasora jaurtiko zinateke, ontzia uzten ez […]
Harriduraz eta penaz irakurri dut Xipri Arbelbide, apaiz heletar adiskideak argitaratu berri duen Oilarra kukuruka saiakera, 2019ko Miguel de Unamuno Saria (Erein 2020). Eliza katolikoak gurean bizi duen hilzoria baita saiakeraren gaia, harriturik nago nolaz ausartu den egilea izenburu hori jartzera, oilar-kontuak aipatzera non eta hemen, noiz eta orain. Azkeneraino Xipri. Ez dago amore emateko. […]
Zerbaiten esperientzia bila zabiltza: Jainkoa, edertasuna… Horrek esan nahi du bilatzen duzuna objektu gisa ikusten duzula. Kasu honetan: miatu soilik nor den ikusten duena. Benetan miatzen baduzu, ikusten duenaren bila zabiltzala ulertuko duzu. Horra biderik zuzenena, bidea deitzea egoki bada. Izan ezazu argi bilatzen ari zarena ezin dela inoiz objektu izan, bilatzen duzun hori zu […]